Zabalik gaude jadanik

        Bilboko Gabonart Azokak ateak zabaldu ditu gaur eguerdian. Arriagako plazako egokitutako gunean Xabier Otxandiano, Bilboko Ekonomi, Garapen, Merkataritza eta Enplegu Saileko zinegotzia eta beste hainbat eta hainbat gizarte, kultural eta ekonomiko eragileak izan dira. Haiekin batera, Bernat Vidal, Gabonarteko zuzendaria.

        Aurten ere, eta bosgarrena da dagoeneko, Arbasok, Euskal Herriko Artisau Elkarteak, 5. Gabonart, Gabonetako Artisau Azoka, ospatuko du, Bilboko Arriagako plazan. Orain dela bost urte, Arbasok desagertutako Gabonetako Artisautza Azokaren testigantza hartu zuen, eta berriro ere esperientzia errepikatuko du. 5. Gabonart abenduaren 15etik urtarrilaren 7ra arte egingo dute. Artisautza Azoka Arriaga plazan kokatuta dago. Arriaga Antzokia ondoan, hain zuzen ere.

       Gabonart sektorearen erakusleiho polita izango da. Guztira 48 artisau izango dira, gehienak bizkaitarrak, hala ere, Euskal Herriko lurraldetik eta baita kanpotik ere etorriko dira. Guztien artean osatuko dute aurtengo Gabonart, Artisautza azoka.

        Esperientzia honi esker, bisitaria ohartuko da lanbide zaharrak indarrean daudela, eta ez dela artisau piezen kalterako. Pieza guztiak eskulan eta artisautza prozesuen arauak errespetatuz diseinatzen dira. Euretariko askotan, ordea, berrikuntzara jotzen da eta inspirazio iturria orainean eta geroan topatzen dute. Horregatik bada, gaur egun artisau izatea garaikide izatea da. Gabonetako Azoka hau dirauen bitartean, hainbat ekintza ludiko egingo dira azoka barruan artisauaren eta bisitarien arteko interakzioa dinamizatzeko eta, azken batean, bisitaria artisautzaren munduan sararazteko.

48 artisau

     Beste behin ere, Bizkaia izango da ordezkari gehien izango dituen lurraldea, 27 artisau izango dira, hain zuzen ere. Gipuzkoak 6 ordezkari izango ditu, Arabak bat eta Nafarroak 3 izango dituzte. Horretaz aparte, Catalunyatik 3 artisau etorriko dira Bilbora, bat Murtziatik eta beste bat Zaragozatik, bat Gaztela-Mantxatik; bat Canarias Uhartetik eta hiru Cantabriatik, eta beste bat Burgosetik.

Sektorekakori dagokionez, honakoak izango ditu Gabonartek: hamahiru bitxigintzakoak, zazpi ehungintzan arlokoak, bi beirakoak, sei larruzkoak eta beste sei zeramikazkoak. Halaber, zura lantzen duten bost izango dira aurtengoan, eta kosmetikak 3 artisau izango ditu. Horretaz gain argizarigintzak erakustoki bat izango du, eta gauza bera kuadernaketak, modelatuak, lore lehorrak, txotxongiloak eta olibondozko tresnak.
Horretaz aparte, Gabonartek irauten duen bitartean, erosketa kupoiak zozkatuko dira.